Уладзімір Караткевіч - беларускі пісьменнік, публіцыст, паэт, перакладчык і драматург, сцэнарыст, класік беларускай літаратуры. З'яўляецца адной з найбольш яскравых фігур у беларускай літаратуры XX стагоддзя. Стаў першым беларускім пісьменнікам, які звярнуўся да жанру гістарычнага дэтэктыва. Яго часта называюць апошнім рыцарам беларускай гісторыі. Да юбілею пісьменніка ў філіяле «Азершчынская бібліятэка сямейнага чытання» аформлена выстава адной кнігі «Чорны замак Альшанскі». Яскравая, неардынарная, яна прыцягвае позірк кожнага наведвальніка бібліятэкі, дае яму магчымасць пазнаёміцца з гісторыяй напісання кнігі. Дынамічны сюжэт кнігі захапляе з першых старонак. У гэтай кнізе ёсць усё - гісторыя, фэнтэзі, дэтэктыў, любоўная лінія... Яна нікога не пакіне абыякавым. Кожны чытач можа пазнаёміцца не толькі з гэтай кнігай, але і з іншымі творамі пісьменніка.
